У Грэцыі праходзяць пазачарговыя ваенныя вучэньні

Правесьці вучэньні раніцай загадаў міністар абароны Грэцыі Панос Каменос у сувязі з турэцкай дзейнасьцю ў Эгейскім моры. У манэўрах вакол выспаў Дадэканэс удзельнічаюць адзінкі ўсіх відаў узброеных сілаў.

Грэцкія СМІ пішуць, што армія вывучае вяртаньне скалістых астравоў. Менавіта да такіх месцаў ва ўсходняй частцы Эгейскага мора некалькі разоў, і з падвышанай інтэнсіўнасьцю ў апошні час патрабаваньні заяўляе Анкара. Надоечы таксама ў гэтым рэгіёне карабель турэцкай берагавой аховы пратараніў грэцкую патрульную лодку.

Непланавыя манэўры праходзяць менш чым праз два дні пасьля таго, як у балгарскім горадзе Варна ЭЗ не выпрацаваў кампрамісу з Турцыяй. На саміце лідэры ЭЗ выказалі занепакоенасьць, у прыватнасьці, турэцкімі правакацыямі ў Эгейскім моры і ў берагоў Кіпра.

яс