Кантактная група па Ўкраіне рыхтуе пытаньне аб абсалютным перамір'і

Трохбаковая кантактная група па ўрэгуляваньні сытуацыі на ўсходзе Ўкраіны рыхтуе пытаньне аб абсалютным перамір'і. Аб гэтым 28 лютага, адказваючы на пытаньні журналістаў, паведаміў спэцпрадстаўнік АБСЭ ў ТКГ Марцін Сайдзік, перадае агенцтва Бэлта.

„Рыхтуем гэта пытаньне. Але такое рашэньне яшчэ не прынятае”, - сказаў Марцін Сайдзік. Пры пошуку мірных рашэньняў канфлікту на ўсходзе Ўкраіны адной з галоўных задач ТКГ застаецца забесьпячэньне бясьпекі й неабходных жыцьцёвых умоў для грамадзянскага насельніцтва.

Дыплямат таксама зьвярнуў увагу на нядаўняе паведамленьне аб абстрэлах аўтамабіля мэдыцынскай дапамогі. Ён заклікаў бакі захоўваць міжнародныя прынцыпы недатыкальнасьці мэдпэрсаналу.

belta.by/аз