Паліцыя на Сыцыліі арыштавала караля азартных гульняў

Паліцыя на Сыцыліі арыштавала ўладальніка больш чым 700 нелегальных букмэкерскіх кантор, зьвязаных з мафіяй.

Некалькі дзясяткаў іншых легальных кантораў служылі для адмываньня мафійных грошай галоўным чынам з наркагандлю.

У выніку трэцяй у гэтым годзе, акцыі супраць мафіі, паліцыя ў Палерма затрымала 31 чалавека. Затрыманыя падазраюцца ў наркагандлю, вымагальніцтве і махлярстве ў шкоду дзяржаве.

Сярод затрыманых таксама Бэнэдэта Бачы, вядучая асоба італьянскага азартнага сэктара.

Па дадзеных пракуратуры, у супрацоўніцтве з мафіёзі, Бэнэдэта Бачы кантраляваў букмэкерскія канторы па ўсёй выспе.

Апублікаваныя дадзеныя паказваюць, што гадавы абарот, кантраляванага мафіёзнымі арганізацыямі, сэктара азартных гульняў складае 20 млрд эўра, а легальнага - 85 млрд. Гэта азначае, што статыстычны італьянец за год выдае на азартныя гульні 1,750.

яс