Папа Францішак падпісаў указ аб гераічнасьці цнот кардынала Вышыньскага

Да канца працэсу бэатыфікацыі кардынала Вышыньскага застаецца толькі прызнаньне цуду, які здарыўся пры яго заступніцтве. Гаворка ідзе пра звышнатуральны характар аздараўленьня 19-гадовай дзяўчыны ў 1989 годзе, якая пакутавала ад раку шчытападобнай залозы. Анкалёгія распаўсюдзілася на іншыя органы.

Пасьля апэрацыі ў горле сфарміравалася пухліна, якая душыла хворую. Дзяўчына інтэнсіўна малілася пры заступніцтве кардынала Вышыньскага. Хвароба зьнікла. «Гэта выпадак невытлумачальны з навуковага пункту гледжаньня», – прызналі лекары.

У жанчыны 28 гадоў не было рэцыдываў.

Кардынал Стэфан Вышыньскі памёр у 1981 годзе. Яго працэс беатыфікацыі на дыяцэзіяльным этапе пачаўся праз два гады пасьля гэтай даты.

яс