У Польшчы будуць штрафаваць крамы за выкідваньне ежы

Законапраект, які разглядае вышэйшая палата польскага парлямэнту, абавяжа крамы перадаваць непрададзеныя прадукты харчаваньня з кароткім тэрмінам прыдатнасьці тым, хто мае ў гэтым патрэбу. Дакумэнт датычыць буйных гандлёвых сетак. Адзін з ініцыятараў законапраекту Антоні Шыманскі адзначае, што ў Польшчы ў год марнуецца 9 мільёнаў тонаў харчаваньня.

Згодна з законам, крамы павінны перадаваць ежу арганізацыям, якія затым аддадуць яе малазабясьпечаным. Таксама прадугледжаны штрафы для гандлёвых сетак, якія не падпішуць дамовы аб супрацоўніцтве з дабрачыннай арганізацыяй.

яс