Прыхільнікі і праціўнікі Nord Stream 2 шукаць саюзьнікаў у ЭЗ

Данія можа адмовіць выдаць дазвол на будаўніцтва Nord Stream 2, у той жа час Нямеччына спрабуе спыніць рашэньні ЭЗ, якія накіраваныя супраць гэтай інвэстыцыі.

У групе праціўнікаў знаходзіцца Польшча, якая сьцьвярджае, што Nord Stream 2 будзе ўяўляць сабой пагрозу для энэргетычнай бясьпекі Эўропы.

Былы генэральны сакратар NATO Андэрс Фог Расмусэн, датчанін, кажа, што Данія правільна выказвае занепакоенасьць будаўніцтвам Nord Stream 2 і назваў гэтую інвэстыцыю "расейскім палітычным праектам". Дацкі парлямэнт прыняў закон, у адпаведнасьці з якім урад зможа адмовіць выдаць дазвол на будаўніцтва трубаправода.

Адмова Даніі ня спыніць будаўніцтва Nord Stream 2, але ўвядзе значныя ўскладненьні.

Эўракамісія прапанавала папраўкі да Дырэктывы ЭЗ, паводле якой усе трубаправоды, у тым ліку і марскія, будуць падпарадкоўвацца жорсткім правілам ЭЗ. Прапанову падтрымліваюць Польшча і балтыйскія рэспублікі, якія здаўна выступаюць супраць Nord Stream 2. Па другім баку - частка краін Заходняй Эўропы.

Немцы спрабуюць затрымаць працу над папраўкамі да дырэктывы і патрабуюць дадатковага юрыдычнага аналізу ды тэхніка-эканамічнага абгрунтаваньня. Гэты пастулят падтрымалі Аўстрыя, Бэльгія і Нідэрлянды.

яс