Архідыяцэзія ў Польшчы запусьціла для вернікаў мабільнае прыкладаньне

Каталіцкая Познаньская архідыяцэзія (заходняя Польшча) запусьціла для вернікаў мабільнае прыкладаньне. Дзякуючы яму жыхары ды госьці гораду змогуць атрымаць інфармацыю пра мясцовы касьцёл ды яго ініцыятывы.

Прыкладаньне называецца «Ўказальнік» (Drogowskaz) і яго стварылі маладыя вернікі архідыяцэзіі. Дзякуючы яму можна, напрыклад, даведацца, у якім найбліжэйшым касьцёле адбываецца імша ці дзе праходзіць канцэрт альбо іншае касьцельнае мерапрыемства.

Прыкладаньне дзейнічае на смартфонах з апэрацыйнымі сыстэмамі Android i iOS.

Кіраўнік архідыяцэзіі, архібіскуп Станіслаў Гандэцкі быў адным зь першых, хто спампаваў прыкладаньне на мабільны тэлефон.

Праца над пашырэньнем «Указальніка» працягваецца. Неўзабаве будзе дададзены разьдзел, прысьвечаны дабрачынным акцыям у Познаньскай архідыяцэзіі.

вс