СМІ даведаліся пра ўцёкі прэзыдэнта Зімбабве

Пра гэта паведаміла брытанская газэта Daily Mail са спасылкай на целаахоўніка палітыка.

Выданьне сьцьвярджае, што апошні раз прэзыдэнта бачылі каля сямі гадзін раніцы, з тых часоў яго тэлефон недаступны. Адзін з яго пляменьнікаў сказаў Daily Mail, што Мугабэ абмяркоўваў з членамі сям'і добраахвотную адстаўку.

Паводле дадзеных газэты, вайскоўцы, якія зладзілі пераварот і кантралююць сытуацыю ў краіне, выставілі Мугабэ ўльтыматум: альбо ён сыходзіць у адстаўку, альбо армія адмаўляецца яго абараняць, і разьюшаны натоўп яго лінчуе.

На дэманстрацыю супраць Мугабэ ў Харарэ выйшлі дзясяткі тысяч чалавек. 93-гадовы Роберт Мугабэ кіраваў краінай з 1988 году.

ПР/юл