Міністар абароны Брытаніі адпраўлены ў адстаўку з-за дамагальніцтваў

Міністар абароны Вялікабрытаніі Майкл Фэлан (Michael Fallon) падаў у адстаўку ў выніку скандалу, зьвязанага з сэксуальнымі дамагальніцтвамі. Фэлан прызнаўся, што 15 гадоў таму некалькі разоў паклаў руку на калена адной з журналістак. Чуткі пра інцыдэнт 2002 году прасачыліся ў прэсу некалькі дзён таму.

«Адстаўка сьведчыць пра тое, што брытанскі ўрад не зьбіраецца мірыцца з дамагальніцтвамі», – піша часопіс Spectator. Скандал на гэтым можа не скончыцца. Падобныя абвінавачаньні прэса агучвала ў адрас дзяржаўнага сакратара Даміяна Грына (Damian Green).

Новым міністрам абароны ў чацьвер быў прызначаны 41-гадовы дэпутат Кансэрватыўнай партыі Гэвін Ўільямсан (Gavin Williamson)

IAR/ап