У Менску пачынае працу юрыдычная прыёмная для замежнікаў

Праваабарончая арганізацыя Human Constanta адкрывае ў Менску бясплатную юрыдычную прыёмную для кансультацый замежных грамадзян, у тым ліку мігрантаў, бежанцаў і асоб без грамадзянства.

Як паведамляецца ў прэс-рэлізе арганізацыі, прыёмная будзе працаваць у некалькіх фарматах: кансультацыі па тэлефоне й электроннай пошце, а таксама асабістыя кансультацыі ў офісе па папярэдняй дамоўленасьці.

Юрыст будзе аказваць інфармацыйную дапамогу бежанцам, мігрантам і асобам без грамадзянства па шырокім коле пытаньняў, якія тычацца іх правоў на тэрыторыі Беларусі. Гэта, для прыкладу, атрыманьне віду на жыхарства, працэдура рэгістрацыі, працаўладкаваньне, мэдыцынскае забесьпячэньне, права на адукацыю, сытуацыі высылкі, дэпартацыі з краіны, зварот за прыстанішчам й іншыя. Зьвярнуцца ў прыёмную можна будзе зь любога рэгіёну Беларусі.

Юрыдычная прыёмная будзе працаваць чатыры дні на тыдзень: панядзелак, аўторак, серада й пятніца з 11.00 да 16.00. Тэлефон: +375-44-562-38-42, e-mail: legalhumanconstanta@gmail.com.

паводле радыё рацыя/вс