Беларуска перамагла ў конкурсе «Міс сьвету на вазку»

Беларуска Аляксандра Чычыкава перамагла ў конкурсе «Міс сьвету на вазку» – перадае газэта «Наша Ніва».

Фінал конкурсу адбыўся 7 кастрычніка ў Варшаве. Акрамя Аляксандры ў ім бралі ўдзел яшчэ 23 канкурсанткі. Сярод іх была й іншая прадстаўніца ад Беларусі – дзяўчына з ДЦП Ангеліна Ўэльская.

Траўму Саша атрымала, калі вучылася на першым курсе: хутка яна стане дыплямаваным псыхолягам. Дзяўчына таксама грае ў пастаноўках Свабоднага тэатру, а працуе ў гіпэрмаркеце паслугаў 124.

Аляксандра Чычыкава казала ў адным са сваіх інтэрвію, што перамога ёй патрэбная, каб мяняць стаўленьне да людзей з інваліднасьцю ў Беларусі.

nn.by/svaboda.org/ап