Наступствы непагадзі ў Менску: упалі 25 дрэваў, пашкоджаныя 17 машын

Ратавальнікі апублікавалі інфармацыю пра наступствы непагадзі ў Менску. 4 верасьня каля 19-й гадзіны ў сталіцы ішоў моцны дождж, вецер узмацніўся, яго парывы дасягалі 15 мэтраў за сэкунду.

Як інфармуе прэс-служба МНС, агулам упалі 25 дрэваў (у тым ліку на праезную частку й на аўтамабілі), былі пашкоджаны 17 машын, 2 дахі будынкаў. Падчас падзеньня мэталічнага каркасу прыпынку грамадзкага транспарту на вуліцы Брыля пацярпелі 3 чалавекі: двое мужчын ва ўзросьце 20 і 56 гадоў і 19-гадовая дзяўчына. Імі заняліся мэдыкі.

На вуліцы Куйбышава дрэва ўпала на балькон кватэры на пятым паверсе.

эўрарадыё/вс