Кейт Мідлтан і прынц Уільям пачалі візыт у Польшчу (ФОТА)

PR dla Zagranicy

Valery Sauko 17.07.2017 16:14

У Гданьску яны будуць пачаставаныя традыцыйным лікёрам Goldwasser, які ўтрымлівае сусальнае золата, і польскімі варэнікамі.

PAP/Jacek Turczyk

Сёньня Кейт Мідлтан і прынц Уільям разам з двума сваімі дзецьмі пачалі візыт у Польшчу.

Паводле Канцылярыі прэзыдэнта, візыт герцага й герцагіні Кембрыджскіх – гэта знак павагі й сяброўства паміж Польшчай і Вялікабрытаніяй.
Візыт пачаўся абедам, які выдаў прэзыдэнт Польшчы Анджэй Дуда з жонкай Агатай. Пасьля гэтага герцагская пара пашпацыравала па Кракаўскім Прадмесьці – адной з важнейшых вуліц сталіцы. Наступным пунктам праграмы стала наведваньне Музэя Варшаўскага паўстаньня ў суправаджэньні кіраўніка Польшчы й яго жонкі.

Кейт Мідлтан і прынц Уільям прабудуць у Польшчы да серады. Акрамя Варшавы, яны наведаюць Гданьск. У гэтым балтыйскім горадзе герцаг і герцагіня Кембрыджскія будуць пачаставаныя традыцыйным гданьскім лікёрам Goldwasser, які ўтрымлівае сусальнае золата, і польскімі варэнікамі. Акрамя таго, яны таксама наведаюць Эўрапейскі цэнтар салідарнасьці, прысьвечаны гісторыі прафсаюзнага руху «Салідарнасьць».

У Варшаве прынц Уільям і яго жонка будуць жыць у палацы "Бэльвэдэр".

З Польшчы Кейт і Уільям адправяцца ў Германію, дзе сустрэнуцца, у прыватнасьці, з Ангелай Мэркель.

вс