Вікторыя Азаранка паднялася ў тэнісным рэйтынгу адразу на 482 месцы

У абноўленым рэйтынгу Міжнароднай тэніснай асацыяцыі беларуска Вікторыя Азаранка займае 201 месца. Месяц таму, пасьля вяртаньня ў вялікі тэніс, Вікторыя была ўсяго толькі 683-й. Але дзякуючы пасьпяховай гульні на Ўімблдоне (беларуская тэнісістка дабралася да 1/8 фінала), яна зрабіла скачок адразу на 482 месцы!

Новы рэйтынг WTA апублікаваны раніцай у панядзелак. У жаночым разрадзе яго ўпершыню ў кар'еры ўзначальвае чэская тэнісістка Караліна Плішкава. Далей ідуць румынка Сімона Халеп і немка Ангеліка Кербэр.

Лепшая зь беларусак — Аляксандра Сасновіч — разьмясьцілася на 100-м радку рэйтынгу.

У мужчынскім рэйтынгу на першым месцы брытанец Эндзі Марэй, другі — гішпанец Рафаэль Надаль. А швэйцарац Роджэр Фэдэрэр, які ў нядзелю выйграў Уімблдон восьмы раз у кар'еры, пацясьніў з трэцяга месца сэрба Новака Джокавіча.

эўрарадыё/вс