Знаёмства: польская пісьменьніца, беларуска Барбара Гаральчук

Барбара Гаральчук нарадзілася ў вёсцы Мокрэ што на Беласточчыне. Вучылася ў беларускім ліцэі ў Бельску Падляскім. Пазьней закончыла расейскую філялёгію ў Любліне.

Барбара Гаральчук выдала ўжо два раманы на польскай мове. Першы – «Надзея ажно па гарызонт» – распавядае гісторыю ейнай сям’і падчас бежанства ў пэрыяд Першай сусьветнай вайны. Другі – «Мёд» – у пэўным сэнсе працяг гісторыі зь першага рамана пасьля вяртаньня ў вёску Мокрэ, якая апынулася ў складзе міжваеннай Рэчы Паспалітай.

Лёс праваслаўных беларусаў на Беласточчыне ў той час больш нагадваў аднак горкі палын, чым мёд з назвы рамана.

На думку аўтаркі, нават сёньня на гэтай тэрыторыі відаць яшчэ наступствы падзеяў, якія яна апісала ў сваіх кніжках. Мы павінны памятаць пра гэта, але перш за ўсё глядзець у будучыню, – дадае Барбара Гаральчук. Зь ёй размаўляў Яраслаў Іванюк.

размова ў далучаным гукавым файле