У Мазавецкім ваяводзтве правялі тэст сырэнаў грамадзянскай абароны

У цэнтральным Мазавецкім ваяводзтве сёньня адпаведныя службы правялі тэст сырэнаў грамадзянскай абароны.

Пераважная большасьць жыхароў рэгіёну ды турыстаў, пачуўшы гук сырэнаў, аднесьліся да гэтага спакойна, нават тыя, хто ня ведаў пра вучэньні. На пытаньне журналіста Польскага радыё адносна таго, што б яны рабілі, калі б пагроза аказалася рэальнай, многія людзі адказвалі, што пашукалі б нейкага сховішча альбо бясьпечнага месца ці проста вярнуліся б дамоў.

У сваю чаргу іншаземцы таксама не былі зьдзіўленыя тэставаньнем сыстэмы. Напрыклад, грэкі сказалі, што ў іх таксама праводзяцца вучэньні. Між іншым, у Грэцыі гук сырэны часта азначае пагрозу землятрусу.

Падобныя тэсты пройдуць у іншых рэгіёнах Польшчы. Неўзабаве ў Мазавецкім ваяводзтве адбудуцца тэставаньні чарговых элемэнтаў грамадзянскай абароны. Улады аднак адмовіліся паведамляць падрабязнасьці.

вс