Падпісана дамова на выраб польскіх баявых дронаў

Кантракт быў заключаны менш чым праз год пасьля таго, як кампанія паказала прататып. Гэта ўнікальная зьява ў эўрапейскім маштабе. Далейшы лёс дрона залежыць ад таго, як ім будзе карыстацца польская армія.

Пакуль прадстаўнікі Міністэрства абароны Польшчы заяўляюць, што DragonFly – гэта выдатнае рашэньне для тэрытарыяльных сіл абароны. Ён можа рэвалюцыянізаваць поле бою, – заявіў намесьнік міністра абароны Барташ Каўнацкі.

ВАЗ нр 2 гатовыя пачаць сэрыйную вытворчасьць першай вэрсіі DragonFly. Спачатку кампанія паставіць у войска выпрабавальную вэрсію бесьпілётніка. Пачатак вытворчасьці ў баявой вэрсіі заплянаваны на наступны год.

DragonFly – гэта бесьпілётны апарат кляса мікра з вэртыкальным узьлётам, прызначаны для вядзеньня баявых дзеяньняў у адкрытай і ўрбанізаванай прасторы. У залежнасьці ад тыпу боегалоўкі можа быць накіравана на барацьбу зь лёгка браніраванымі абʼектамі і вайсковымі групоўкамі на абшары 10 км..

Асноўная перавага дадзенага бесьпілётнага лятальнага апарата зьяўляецца яго мабільнасьць, на што ўплывае малая вага, невялікі памер і вельмі кароткі час запуску дрона. Увесь камплект месьціцца ў заплечнік, які можа насіць адзін салдат, у дадатак з камплектам боегаловак ды пультам кіраваньня.

Дроны DranonFly будуць аснашчаны боегалоўкамі электрамэханічнага завода Belma, які некалькі дзён таму пачалі іх вытворчасьць.

ПР/юл