Польскія F-16 будуць несьці службу па ахове паветранай прасторы краін Балтыі

Польскія зьнішчальнікі F-16 пачнуць несьці службу па ахове паветранай прасторы краін Балтыі. Месцам іх дысьлякацыі традыцыйна будзе Летува. Служба адбываецца ў рамках місіі Air Policing. Місію папераменна нясуць краіны NATO, якія маюць свае ВПС, у краінах Балтыі, у якіх няма ваенна-паветраных сіл. З Польшчы ў суседнюю краіну адправяцца чатыры машыны й каля 140 чалавек лётнага складу й наземнага пэрсаналу. Палякі ўжо ня раз ахоўвалі паветраную прастору балтыйскіх краін, але сёлета ўпершыню ў Летуву накіруюцца F-16.

Місія пачнецца 1 мая й будзе доўжыцца чатыры месяцы. «Гэта будзе гістарычны момант», – паведаміў прадстаўнік ВПС Польшчы палкоўнік Шчэпан Глущак.

«Да гэтага часу службу несьлі самалёты МіГ-29. Мы даўно плянавалі, каб гэтую місію выконвалі F-16. Мы ўпэўненыя, што гэтая машына добра сябе пакажа ў рамках Baltic Air Policing», – адзначыў афіцэр.

У Галоўным камандаваньні Ўзброеных сіл Польшчы адзначаюць, што замена самалётаў МіГ-29 на F-16 не азначае поўнай адмовы ад выкарыстаньня савецка-расейскіх машын. МіГ-29 будуць задзейнічаныя ў падрыхтоўцы да вялікіх восеньскім манэўраў, а таксама для патруляваньня паветранай прасторы Польшчы.

вс