Пытаньні глябальнай бясьпекі абмяркоўваюць у нямецкім Мюнхэне

Сёньня там пачалася міжнародная канфэрэнцыя, удзел у якой бяруць больш за 30 прэзыдэнтаў і прэм’ер-міністраў, 50 кіраўнікоў дыпляматыі, 30 міністраў абароны, былыя паслы й незалежныя экспэрты.

Польшчу на форуме прадстаўляюць прэзыдэнт Анджэй Дуда, а таксама міністар замежных спраў Вітальд Вашчыкоўскі. Канфэрэнцыю бясьпекі ладзяць у сталіцы Баварыі штогод. Упершыню ў новай ролі яго наведвае віцэ-прэзыдэнт ЗША Майк Пэнс. Дарэчы, па словах назіральнікаў, галоўнай тэмай цяперашняй канфэрэнцыі стануць менавіта адносіны міжнароднай супольнасьці са Злучанымі Штатамі пад кіраўніцтвам Дональда Трампа.

Удзельнікі таксама абмяркуюць Брэксіт, будучыню Эўразьвязу й паразмаўляюць аб расейскай прапагандзе. Пойдзе мова й пра грамадзянскую вайну ў Сырыі.

вс/вс