Польшчa выпусьціла банкноту наміналам у 500 злотых

У Польшчы ў абарачэньне ўвайшa банкнотa ў 500 злотых. Гэта купюра самага высокага наміналу ў краіне. На ёй разьмешчаны партрэт караля Яна ІІІ Сабескага.

Новая банкнота на 4% большая, чым папярэдняя самая вялікая купюра ў 200 злотых. Тым ня менш, сваім зьнешнім выглядам яна вельмі падобная на тыя банкноты, якія ўжо знаходзяцца ў абарачэньні. Аўтарам новага ўзору банкноты, як і ўсіх астатніх, зьяўляецца Анджэй Гайдрых (Andrzej Heidrich).

Банкнота наміналам 500 польскіх злотых уведзена ў абарачэньне ў банкаўскіх мэтах - гэта значыць дзеля зьмяншэньня коштаў захоўваньня грашовых рэзэрваў Нацыянальнага банку Польшчы. Да гэтай пары яны захоўваліся ў банкнотах наміналамі ў 100 і 200 злотых.

Паводле НБП, дзякуючы выпуску большай колькасьці 500-злотавых купюраў кошт захоўваньня грашовых рэзэрваў павінен зьменшыцца прыкладна на 40 мільёнаў злотых у год (больш за 9 мільёнаў эўра).

аз