Расея і Турэччына маюць плян спыненьня агню ў Сырыі

Анкара ды Масква ўзгаднілі плян спыненьня агню ў Сырыі, паведаміла турэцкае інфармацыйнае агенцтва.

Перамір'е павінна пачацца заўтра. Дасягнутыя дамоўленасьці не распаўсюджваюцца на тэрарыстычныя групоўкі, гаворыцца ў камунікаце. У сваю чаргу расейскія СМІ паведамляюць, што, калі плян спыненьня ваенных дзеяньняў будзе выконвацца, тады сырыйскія ўлады гатовы пачаць палітычныя кансультацыі з апазыцыяй па ўрэгуляваньні канфлікту. У якасьці месца правядзеньня будучых перамоў называецца Астана, сталіца Казахстана. Турэччына й Расея плянуюць выступіць у ролі гарантаў ўрэгуляваньня сытуацыі. Вынікі перамоў плянуюць распаўсюдзіць на ўсе рэгіёны, дзе вядзецца барацьба паміж апазыцыяй і ўрадавымі войскамі Сырыі. СМІ адзначаюць, што ў сырыйскім канфлікце Расеі падтрымлівае войскі прэзыдэнта Башара Асада. Турэччына аказвае значную падтрымку сырыйскім паўстанцам.

ПР/юл