Solaris і Stadler створаць сумеснае прадпрыемства

З новага году польскі вытворца аўтобусаў і тралейбусаў Solaris і швэйцарская кампанія Stadler створаць сумеснае прадпрыемства. Разам яны будуць вырабляць трамваі для Польшчы ды іншых эўрапейскіх краінаў. Новая кампанія будзе называцца Solaris Tram.

Як паясьніў сябра ўправы Solaris Bus & Coach SA Зьбігнеў Паленіца (Zbigniew Palenica), кампаніі Solaris і Stadler атрымаюць па 40% акцый сумеснага прадпрыемства. Астатнія 20% атрымае фінансавы інвэстар, то бок міжнародная група. Абедзьве кампаніі будуць разам канкураваць за заказы на рэйкавыя транспартныя сродкі на рынках Эўразьвязу.

Solaris Tram будзе будаваць і фарбаваць вагоны на заводзе ў горадзе Сьрода Велькапольска (Środa Wielkopolska) на захадзе краіны, дзе разьмяшчаецца завод Solaris. Папярэдняя й канчатковая зборка будзе праходзіць на заводзе Solaris у Вялікапольшчы й на заводзе Stadler у горадзе Седльцэ на Падляшшы.

аз