Папа Рымскі пачынае свой візыт на Каўказ

Гэта будзе другі візыт Папы Францішка на Каўказ пасьля чэрвеньскай паездкі ў Армэнію.

16 паломніцтва пантыфіка будзе ў першую чаргу мець экумэнічны і міжрэлігійны характар - падкрэсьліў Ватыкан. "Папа рымскі едзе з пасланьнем міру і прымірэньня для ўсяго рэгіёну", - сказаў прэс-сакратар Ватыкана Грэг Бэрк.

У цэнтры візыту будзе дыялёг з праваслаўнай царквой у Грузіі, да якой належыць больш за 80% насельніцтва. Таксама ў Тбілісі Папа Францішак упершыню наведае халдэйскую царкву. У Азэрбайджане пантыфік сустрэнецца з Шэйхам мусульман Каўказа.

У сваю чаргу штодзёнка "L'Osservatore Romano" падкрэсьліла, што праграма візыта прадугледжвае наведваньне невялікіх мясцовых каталіцкіх абшчын.

ПР/юл