Падляскае ваяводзтва – зона, якой пагражае АЧС

З 5 верасьня тэрыторыя ўсяго Падляскага ваяводзтва лічыцца зонай, дзе існуе рызыка зьяўленьня афрыканскай чумы сьвіней (АЧС). Гэта азначае, між іншым, забарону на продаж сьвіней, a іх транспарт i перамяшчэньне магчымае выключна са згоды вэтэрынарных службаў.

Рашэньне аб увядзеньні на тэрыторыі ўсяго Падляскага ваяводзтва рэжыму надзвычайнай сытуацыі ў сувязі з выпадкамі захворваньня на афрыканскую чуму сьвіней і небясьпекай распаўсюду хваробы прыняла Эўракамісія, паведаміў намесьнік міністра сельскай гаспадаркі й разьвіцьця вёскі Яцэк Багуцкі (Jacek Bogucki).

аз