Польскія міністры накірaвaліся ў Вялікабрытанію на размовы

Міністры замежных спраў і ўнутраных спраў і адміністрацыі, а таксама намесьнік міністра ўнутраных спраў і адміністрацыі Польшчы накірaвaліся ў Лёндан на экстранныя размовы з прадстаўнікамі ўладаў Вялікабрытаніі. Гэта рэакцыя польскага ўраду на чарговы акт варожасьці ў дачыненьні да палякаў у гэтай краіне, паведаміў прэс-сакратар МЗС Польшчы Рафал Собчак (Rafał Sobczak).

Нагадаем, у нядзелю раніцай двое польскіх грамадзянаў былі зьбітыя перад адным з пабаў у горадзе Харлоў, ва ўсходняй частцы Вялікабрытаніі. Мужчыны былі дастаўлены ў шпіталь. Паліцыя разглядае напад, як злачынства зьдзейсьненае па прычынах ксэнафобіі.

Гэты інцыдэнт адбыўся дзень пасьля маршу, які польскія эмігранты арганізавалі па вуліцах Харлоў. Шэсьце прайшло ў памяць аб трагічнай гібелі паляка, які некалькі дзён таму памёр у шпіталі ў выніку зьбіцьця. Па справе забойства паляка кіраўнік польскага МЗС размаўляў у сераду са сваім брытанскім калегам.

аз