Малады Фронт адзначае гадавіну перамогі над Масквой

Галоўны лёзунг акцыі “Атрымалі пад Воршай, атрымаеце і пад Веткай!”

Гісторыя саюзных адносін Расеі і Беларусі – гэта гісторыя суцэльных войнаў і паўстаньняў. Так 8 верасьня адзначаецца ў Беларусі Дзень беларускай вайсковай славы – у гэты дзень у 1514 годзе адбылася Бітва пад Воршай, у якой 30-тысячнае войска Вялікага Княства Літоўскага перамагло 80-тысячнае войска маскавітаў.

Перамога беларускай зброі у 1514 годзе на доўга спыніла імпэрскі наступ Масквы. Цяпер Масква ізноў прагне крыві суседзяў, заяўляюць маладафронтаўцы.

У зьвязку з гэтым Малады Фронт заклікае адзначыць 502-ую гадавіну Бітвы пад Воршай – Дзень беларускай вайсковай славы, каб нагадаць Расеі, што яе чакае, калі яна спрабуе рэалізаваць у Беларусі свае імпэрскія комплексы”.

Малады Фронт запрашае патрыётаў 8 верасьня а 18 гадзіне да расейскай амбасады ў Менску на акцыю “Атрымалі пад Воршай, атрымаеце і пад Веткай!”

Паводле Малады Фронт/юл