Краіны Балтыкі, Адрыятыкі й Чорнага мора будуць разьвіваць супрацоўніцтва

Прэзыдэнт Польшчы Анджэй Дуда і прэзыдэнт Харватыі Калінда Грабар-Кітаравіч учора адчынілі форум дзяржаваў басэйнаў Адрыятычнага, Чорнага і Балтыйскага мораў. У сустрэчы, якая праходзіць у харвацкім Дуброўніку прымаюць удзел прадстаўнікі 12 краінаў Цэнтральнай Эўропы. Мэта саміту – узмацненьне эканамічных сувязяў у рэгіёне. Прэзыдэнты Польшчы й Харватыі заявілі, што дзяржавы рэгіёну асабліва зацікаўленыя ў супрацоўніцтве ў галінах энэргетыкі, транспарту, інфарматызацыі й гандлю.

Учора прэзыдэнт Польшчы правёў перамовы з прэзыдэнтамі Харватыі і Летувы. З Дяляй Грыбаўскайце Анджэй Дуда абмеркаваў пытаньні рэгіянальнай бясьпекі, у прыватнасьці рэалізацыю рашэньняў, прынятых на нядаўнім саміце NATO ў Варшаве.

IAR/ап