На імшы на заканчэньне СДМ прысутнічалі 2 млн чалавек (ФОТАРЭПАРТАЖ)

Сёньня, у нядзелю, 31 ліпеня – пяты й апошні дзень знаходжаньня Папы рымскага Францішка ў Польшчы. Пантыфік прыбыў у краіну на Вісьле на Сусьветныя дні моладзі (СДМ).

Кульмінацыя СДМ – гэта сёньняшняе набажэнства, якое ўзначаліў менавіта Францішак. Мерапрыемства прайшло ля вёскі Бжэгі (Brzegi) у павеце й гміне Вялічка каля Кракава.

Паводле арганізатараў, у набажэнстве прынялі ўдзел больш за 2 млн удзельнікаў.

На літургіі прысутнічалі таксама высокапастаўленыя польскія чыноўнікі: прэмʼер-міністар Бэата Шыдла, старшыні Сэйма й Сэната, лідар кіруючай партыі «Права й справядлівасьць» Яраслаў Качыньскі.

Сёньня ўвечары адбудзецца сустрэча Францішка з валанцёрамі й арганізатарамі Сусьветных дзён моладзі. Пасьля гэтага Папа рымскі выляціць у Рым.

вс

фота: EPA/DANIEL DAL ZENNARO