Пуцін і Абама правялі тэлефонную размову

Па ініцыятыве расейскага боку 6 ліпеня адбылася тэлефонная размова прэзыдэнта РФ Уладзіміра Пуціна зь лідарам ЗША Баракам Абамам. Пра гэта паведамляе прэс-служба Крамля.

Як адзначаецца, пры абмеркаваньні ўкраінскай тэматыкі Пуцін у чарговы раз падкрэсьліў важнасьць выкананьня Менскіх дамоўленасьцей ад 12 лютага 2015 года, уключаючы наладжваньне рэальнага прамога дыялёгу з Данецкам і Луганскам, прадастаўленьне данецкаму й луганскаму рэгіёну асаблівага статусу, а таксама сумесную распрацоўку закона аб мясцовых выбарах.
Гаварылася таксама пра безальтэрнатыўнасьць палітычнага шляху ўрэгуляваньня.

Акрамя Ўкраіны прэзыдэнты абмеркавалі сытуацыю ў Нагорным Карабаху й пытаньне каардынацыі дзеяньняў у Сырыі.

корреспондент/вс