Карпацкі аддзел Памежнай варты зноў ахоўвае мяжу РП (ФОТА)

Карпацкі аддзел Памежнай варты зноў ахоўвае паўднёвую мяжу Польшчы. Аддзел быў адноўлены сёньняшнім распараджэньнем міністра ўнутраных спраў і адміністрацыі.

Падчас юбілейных урачыстасьцяў з нагоды 25-годзьдзя Памежнай варты, якія прайшлі ў горадзе Новы Сонч (поль. Nowy Sącz) на поўдні краіны, кіраўнік Міністэрства ўнутраных спраў і адміністрацыі Марыюш Блашчак (поль. Mariusz Błaszczak) падкрэсьліў, што ў цяперашні час служба на межах мае выключнае значэньне.

„Нашыя межы на самай справе зьяўляюцца часткай межаў Эўрапейскага Зьвязу”, - нагадаў Блашчак. Паводле яго, у цяперашняй складанай міжнароднай сытуацыі межы ЭЗ павінны ахоўваць прафэсійныя й добра падрыхтаваныя аддзелы.

Падчас урачыстасьці ў горадзе Новы Сонч функцыянэры Памежнай варты атрымалі ўзнагароды й павышэньні ў званьні.

Нагадаем, Карпацкі аддзел Памежнай варты быў ліквідаваны 31 сьнежня 2013 году.

ФОТА:PAP/Grzegorz Momot

аз