Сёньня Дзень закаханых

Сёньня адзначаем Дзень закаханых - сьвята, якое мае сьвецкі характар.

У гэты дзень дораць каханым і дарагім людзям кветкі й валянцінкі, то бок паштоўкі ў выглядзе сэрца, часта з паэтычнымі, любоўнымі тэкстамі.

У ЗША Дзень закаханых – гэта абсалютна камэрцыйнае сьвята, на сьвяткаваньне якога амэрыканцы штогод выдаткоўваюць агулам каля $ 18 млрд.

Кожны год грамадзяне ЗША адпраўляюць больш за 190 мільёнаў валянцінкаў.

Падрыхтоўка да Дня закаханых у ЗША пачынаецца ўжо шмат тыдняў наперад. Сьвята зьяўляецца выдатнай магчымасьцю зарабіць для крамаў і рэстаранаў, дзе на 14 лютага месца трэба браніраваць нават некалькі месяцаў раней.

Сёньня амэрыканскія гарады літаральна тонуць у чырвоным сэрцайках.

Апрача сьвецкага сёньняшні дзень мае таксама рэлігійнае вымярэньне. У некаторых каталіцкіх дыяцэзіях 14 лютага адзначаюць памяць сьвятога Валянціна, то бок раньнехрысьціянскага сьвятога, які насіў менавіта гэтае імя.

аз