Буслы ня хочуць лётаць у вырай

Буслы перасталі лётаць у цёплыя краіны, сьцьвярджаюць навукоўцы, якія правялі дасьледаваньні й назіраньні за гэтай птушкай. Раней на зіму яны заўсёды ляцелі ў вырай з Эўропы ў Афрыку альбо заходнюю Азію. Аднак у апошнія гады птушкі зьмянілі свае паводзіны.

Навукоўцы пры дапамозе сыстэмы GPS прасачылі за 70 асобінымі ў розных краінах. Аказалася, што буслы з Польшчы, Расеі й Грэцыі паводзяць сябе традыцыйна, гэта значыць накіроўваюцца ў вырай. Птушкі зь Гішпаніі й Нямеччыны ўжо не лятуць так далёка як іх продкі, а ўзбэкістанскія буслы адмовіліся ад падарожжа й зіму праводзяць у сябе на радзіме.

Навукоўцам пакуль што не ўдалося высьветліць прычын такіх паводзін буслоў.
Вынікі дасьледаваньня публікуе часопіс «Science Advances».

вс