Дзяржаўнае Польскае радыё маё новае кіраўніцтва

Дзяржаўнае Польскае радыё маё новае кіраўніцтва. Сёньня міністар дзяржаўнай маёмасьці Польшчы прызначыў праўленьне радыёвяшчальнай кампаніі. Старшынём праўленьня стала Барбара Станіслаўчык (Barbara Stanisławczyk), а членамі Ежы Класіньскі (Jerzy Kłosiński) і Марцін Палядэ (Marcin Palade). Барбара Станіслаўчык стала першай жанчынай-старшынём у гісторыі Польскага радыё (кампанія заснаваная ў 1925 годзе).

Прызначаны таксама старшыня праўленьня дзяржаўнага Польскага тэлебачаньня. Ім стаў Яцэк Курскі – былы дэпутат нацыяналістычнай партыі “Права й справядлівасьць” (“ПіС”).

Пасьля перамогі “ПіС” на асеньніх парлямэнцкіх выбарах быў прыняты закон, які дазволіў выбраць новае кіраўніцтва дзяржаўных радыё й тэлебачаньня. Апазыцыя абвінавачвае “ПіС” у празьмернай палітызацыі дзяржаўных электронных СМІ.

вс