153 журналісты знаходзяцца ў зьняволеньні

153 журналісты пазбаўленыя волі за выконваньне сваёй працы – вынікае з сёлетняй справаздачы арганізацыі «Рэпарцёры бязь межаў». Гэта на 14% менш, чым было летась.

Дзяржава, у якой найбольш журналістаў знаходзіцца за кратамі, гэта Кітай. На другім месцы - Эгіпет, дзе ў ізалятары знаходзіцца 22 працаўнікоў СМІ.

54 журналісты сталі закладнікамі кіднапэраў. Гэта на 35% больш, чым у мінулым годзе. У адной Сырыі паўстанцы трымаюць у няволі 26 журналістаў. Ісламская дзяржава зьняволіла 18 супрацоўнікаў СМІ, пераважна на тэрыторыі Іраку і Сырыі. 33 журналістаў выкралі баявікі Хуці ў Емэне і Аль-Каіда.

Генэральны сакратар арганізацыі «Рэпарцёры бязь межаў» Хрыстоф Дулюа (Christophe Deloire) заявіў, што ў некаторых рэгіёнах разьвіваецца "промысел выкраданьня людзей" і патрабаваньня за іх вызваленьне выкупу або выкананьня пэўных умоваў.

яс