Lufthansa спыніла палёты ў Шарм-эль-Шэйх

Авіякампанія Lufthansa спыніла палёты паміж партамі Нямеччыны і аэрапортам Шарм-эль-Шэйх. Прэс-служба кампаніі паведаміла, што рашэньне прынятае ў сувязі зь «неспакойнай сытуацыяй на Сінайскім паўвостраве» і катастрофай расейскага самалёту Airbus A321. Прынятае рашэньне датычыць таксама авіякампаній Eurowings i Edelweiss, якія ўваходзяць у групу Lufthansa.
Раней палёты спынілі авіякампаніі Вялікабрытаніі і Ірляндыі.