WikiLeaks публікуе прыватныя мэйлы дырэктара ЦРУ

Партал WikiLeaks апублікаваў у сераду паведамленьні з прыватнай паштовай скрынкі дырэктара ЦРУ Джона Брэнана. Дакумэнты паходзяць з 2007-2009 гадоў, калі ён працаваў дарадчыкам па справах барацьбы з тэрарызмам.

На партале WikiLeaks гаворыцца, што цяпер там рэгулярна будуць зьмяшчацца прыватныя паведамленьні дырэктара ЦРУ. На старонцы напісана, што Брэнан выкарыстоўваў гэтую скрынку рэдка, толькі для праектаў, зьвязаных з выведкай.

Пакуль партал апублікаваў запіс са студзеня 2009 году з рэкамэндацыямі на тэму Ірану, адрасаваны Бараку Абаме, у той час прэзыдэнту-электу. Брэнан рэкамэндаваў яму «злагодзіць рыторыку» ў справе дамовы аб абмежаваньні Іранам нуклеарнай праграмы й раскрытыкаваў папярэдняга прэзыдэнта Джорджа Буша за падыход да Іраку, як да галоўнай «восі зла» ў сьвеце.

Апублікаваныя таксама два дакумэнты з 2008 году пра катаваньні, у гэтым копія закону, у якім называліся забароненыя практыкі, як фіктыўныя экзэкуцыі й падтопліваньні.

Акрамя гэтага апублікаваныя асабістыя дадзеныя Брэнана, між іншым, пра яго жонку і ўсіх супрацоўнікаў. Як піша агенцтва Associated Press, толькі гэты дакумэнт, апублікаваны WikiLeaks, здаецца быць сапраўды важным.

ав