Расейцы абстрэльваюць Сырыю таксама з мора

Расейцы атакуюць наземныя цэлі ў Сырыі ня толькі з паветра, але й з мора. Гэта пацьвердзіў міністар абароны Расеі Сяргей Шайгу падчас сустрэчы з прэзыдэнтам Расеі Ўладзімірам Пуціным.

Кіраўнік Мінабароны паведаміў, што былі выпушчаныя 26 ракетаў з 4 караблёў. Агулам з пачатку апэрацыі, то бок 30 верасьня, расейцы абстралялі ў Сырыі 112 цэляў.

Паводле расейскага прэзыдэнта, ваеннае супрацоўніцтва ў рамках апэрацыі ў Сырыі павінна працягвацца. Гаворка ідзе пра сумесныя дзеяньні з ЗША, Турцыяй, Саудаўскай Арабіяй, Іранам і Іракам.

Уладзімір Пуцін дадаў, што яшчэ рана казаць пра вынікі расейскай інтэрвэнцыі ў Сырыі.

У сваю чаргу Сяргей Шайгу заявіў, што ён гатовы падпісаць адпаведнае пагадненьне аб супрацоўніцтве з Пэнтагонам.

аз