Польшча хоча вярнуцца на рынак Ірана

Польскі віцэ-прэм'ер і міністар эканомікі Януш Пехаціньскі накіроўваецца сёньня ў Тэгеран з трохдзённай дзелавой місіяй.

У Іране ён плянуе падпісаць, між іншым, пагадненьне аб эканамічным супрацоўніцтве з гэтай краінай.

Польскі палітык сустрэнецца зь іранскімі міністрамі, якія адказваюць, між іншым, за харчовую й фармацэўтычную галіны, прамысловасьць, нафту й ахову навакольнага асяродзьдзя.

Януш Пехаціньскі нагадаў, што да ўвядзеньня міжнародных санкцый у дачыненьні да Ірана Польшча працягвала выдатнае гандлёвае супрацоўніцтва з гэтай краінай.

„Я разумею, што працэс нармалізацыі адносінаў будзе працяглы, але Польшча й польская эканоміка хочуць у ім удзельнічаць”, - сказаў віцэ-прэм’ер.

Міжнародныя санкцыі супраць Ірана павінны быць адмененыя ў наступным годзе.

аз