Малы памежны рух за скасаваньне санкцый?

Памежны рух быў бы важным крокам для інтэнсыфікацыі кантактаў зь Беларусьсю, – зазначыў у Беластоку на сустрэчы з прадпрымальнікамі міністар замежных справаў Польшчы Гжэгаж Схэтына.

Г.Схэтына: Малы памежны рух быў бы своеасаблівым сымбалем кантактаў, адкрытасьці, новага шанцу на яшчэ лепшы эканамічны абмен, на лепшае супрацоўніцтва, на зарабляньне грошай.

Міністар Схэтына падкрэсьліў, што Польшча ўжо пяць гадоў таму прайшла працэдуру, неабходную дзеля ажыцьцяўленьня пагадненьня зь Беларусьсю пра малы памежны рух, і разам з гэтым пра спрошчаны рэжым перасячэньня дзяржаўнай мяжы.

Г.Схэтына: На наступнай сустрэчы міністраў замежных справаў у Брусэлі мы будзем абмяркоўваць санкцыі супраць Беларусі, ці існуе магчымасьць іх адмяніць, ці сытуацыя ў Беларусі настолькі зьмянілася, што гэтая адмена рэальная й сэнсоўная. Яна давала б надзею, што паміж краінамі адбудзецца адкрыцьцё і першым паказчыкам з другога боку павінна быць якраз і згодна Беларусі на малы памежны рух.

Гжэгаж Схэтына ўдзельнічае ў выязным паседжаньні ўраду Эвы Копач у Беластоку.

яс