Радаслаў Сікорскі стаў дарадчыкам Парашэнкі

Экс-кіраўнік МЗС Польшчы й былы старшыня Сэйму краіны Радаслаў Сікорскі стаў сябрам Кансультацыйнай дарадчай міжнароднай рады рэформаў пры прэзыдэнце Ўкраіны Пятры Парашэнцы. Старшынём рады зьяўляецца былы прэзыдэнт Грузіі, цяпер губэрнатар Адэскай вобласьці Міхаіл Саакашвілі.

У гутарцы з карэспандэнтам польскага агенцтва друку PAP Радаслаў Сікорскі пацьвердзіў, што атрымаў прапанову ад Парашэнкі й Саакашвілі й яе прыняў.

53-гадовы Радаслаў Сікорскі – фігурант гэтак званага «касэтнага скандалу», зьвязанага зь незаконным праслухоўваньнем высокапастаўленых польскіх дзяржчыноўнікаў. З-за гэтага ў чэрвені бягучага года ён быў вымушаны пакінуць пасаду старшыні Сэйма. Акрамя таго, ён страціў давер сваёй партыі – правацэнтрысцкай «Грамадзянскай плятформы», – і ня будзе балятавацца на парлямэнцкіх выбарах, якія заплянаваныя ў Польшчы на кастрычнік.

вс