Лукашэнку давярае 76,6 працэнта беларусаў

Давер кіраўніку Беларусі Аляксандру Лукашэнку выказвае 76,6 працэнта дарослага насельніцтва краіны. Аб гэтым сьведчаць вынікі сацыялягічных дасьледаваньняў, праведзеных у жніўні 2015 году Інфармацыйна-аналітычным цэнтрам.

Як паведамляе дзяржаўнае Беларускае тэлеграфнае агенцтва (БЕЛТА), у адпаведным сацыялягічным апытаньні прынялі ўдзел 1006 рэспандэнтаў. Статыстычная хібнасьць знаходзіцца ў межах 3 працэнтаў.

На думку пераважнай большасьці грамадзян (74,1 працэнта), дзейнасьць Лукашэнкі адпавядае інтарэсам простых людзей. Згодны са сьцьвярджэньнем аб тым, што пад кіраўніцтвам Аляксандра Лукашэнкі Беларусь у цэлым разьвіваецца ў правільным напрамку, 77,1 працэнта апытаных.

belta.by/аз