Грэцыя дамовілася з крэдыторамі

Грэцыя дасягнула паразуменьня зь міжнароднымі крэдыторамі па справе пакету дапамогі, паведаміла тамтэйшае Міністэрства фінансаў.

„Узгадніць трэба яшчэ толькі два ці тры пункты”, - сказаў міністар Эўклід Цакалотас.

Перамовы па гэтай справе працягваліся амаль усю ноч у Атэнах. Раней прадстаўнік міністэрства фінансаў заявіў, што ўдалося дамовіцца, сярод іншага, па справе дзейнасьці фонду па прыватызацыі.

Грэцыя спадзяецца новага траншу фінансавай дапамогі ў памеры 86 млрд эўра (94,4 млрд даляраў).

Атэны зацікаўлены ў больш хуткім уступленьні пагадненьня ў сілу, паколькі 20 жніўня яны павінны вярнуць Эўрапейскаму цэнтральнаму банку чарговую частку крэдыту.

Тым ня менш, каб краіна атрымала першыя грошы спачатку плян рэформаў павінен прыняць грэцкі парлямэнт, а затым неабходная згода краін зоны эўра.

У канцы ліпеня краіна пачала выплату свайго доўгу МВФ.

Акрамя таго, у мінулым месяцы грэцкі парлямэнт ухваліў другі пакет рэформаў, што дазволіць Атэнaм пачаць перамовы з Эўразьвязам аб новай праграме фінансавай дапамогі на 86 млрд эўра.

аз