Сэнат Польшчы прыняў Закон аб лячэньні бясплодзьдзя

Сэнат Польшчы – вышэйшая палата парлямэнту, – прыняў Закон аб лячэньні бясплодзьдзя. Закон падтрымалі 46 сэнатаў, супраць выказаліся 43 чалавекі, ад голасу ўстрымаліся 4 чальцы вышэйшай палаты. Цяпер закон павінен падпісаць альбо не падпісаць прэзыдэнт Браніслаў Камароўскі.
Закон аб лячэньні бясплодзьдзя выклікаў у Польшчы вялікую дыскусію. Законам рэгулюецца пытаньне экстракарпаральнага апладненьня, супраць якога рэзка выступае Каталіцкі касьцёл. Супраць закона былі таксама правыя сілы, якія ў Польшчы знаходзяцца пад вялізным уплывам касьцельнай іерархіі.

вс