У Баку пачаліся першыя Эўрапейскія гульні

Цырымонія адкрыцьця першых Эўрапейскіх гульняў прайшла на Нацыянальным стадыёне ў Баку. Ва ўрачыстасьцях з нагоды старту спаборніцтваў прынялі ўдзел кіраўнікі многіх эўрапейскіх дзяржаў і ўрадаў, а таксама прадстаўнікі азэрбайджанскіх уладаў, дзеячы культуры й мастацтва.

На трыбунах Нацыянальнага стадыёна сабралася 68 тысяч гледачоў. Сярод прысутных — кіраўнік Беларусі Аляксандар Лукашэнка.

У складзе зборнай Беларусі выступіць 151 спартовец, а ўсяго ў першых Эўрапейскіх гульнях прымуць удзел больш за 6 тысяч спартоўцаў з 50 краін Старога Сьвету.

Будзе разыграна 253 камплекты мэдалёў у 20 відах спорту, 16 зь якіх алімпійскія. Пачаліся спаборніцтвы сёньня, 13 чэрвеня, а завершацца 28 чэрвеня.

белта/вс