Беларуская мова прыцягвае кліентаў

З 1 студзеня 2015 году на аўтазапраўках групы кампаніяў „А-100 АЗС” пачалі абслугоўваць кліентаў па-беларуску, а таксама перавялі службовую дакумэнтацыю на беларускую мову.

Кіраўнік управы маркетынгу кампаніі Ніна Ніканорава ўжо свабодна карыстаецца беларускай мовай і кажа, што гэтак робяць усё больш яе калегаў. Паводле яе, пасьля пераходу заправак на беларускую мову стала больш кліентаў.

„Продажы павялічыліся, бо мы прыцягнулі да сябе частку модных і прагрэсіўных беларусаў, якія падзяляюць нашу пазыцыю што да пашырэньня выкарыстаньня беларускай мовы”, - кажа Ніканорава.

svaboda.org/аз