Расея: праверыць дзейнасьць „Transparency International”

Расейскай пракуратуры не падабаецца дзейнасьць „Transparency International”. Паводле праваахоўных органаў, міжнародная арганізацыя шкодзіць інтарэсам дзяржавы.

Расейскія пракуроры вырашылі, што „Transparency International” вядзе палітычную дзейнасьць, а гэта азначае, што арганізацыя можа трапіць у „чорны сьпіс”.

„Мы не займаемся палітычнай дзейнасьцю, а ўсяго дапамагаем дзяржаўным органам у рэалізацыі прынцыпаў нацыянальнай праграмы па барацьбе з карупцыяй”, - сказала ў інтэрвію расейскім СМІ кіраўнічка арганізацыі Алена Панфілава.

Паводле яе, абвінавачваньні маскоўскіх пракурораў - гэта „поўная лухта”. Аднак яна не выключае, што арганізацыю канчаткова прымусяць спыніць супрацоўніцтва са службовымі асобамі у рамках антыкарупцыйных праектаў.

аз