Chevron адмаўляецца ад пошукаў сланцавага газу ў Польшчы

Амэрыканскі паліўны канцэрн Chevron адмаўляецца ад пошукаў сланцавага газу ў Польшчы. Кампанія паведаміла, што прычынай такога рашэньня зьяўляюцца вельмі вялікія кошты інвэстыцыі. Chevron у паведамленьні для СМІ зазначыў, што пэрспэктывы эксплюатацыі залежаў у Польшчы не вытрымліваюць канкурэнцыі ў параўнаньні зь іншымі інвэстыцыямі кампаніі.
Экспэрты не выключаюць, што рашэньне амэрыканцаў можа мець сувязь з фінансавай сытуацыяй кампаніі. Так, у апошнім квартале мінулага года прыбытак канцэрну зьнізіўся на 30% у параўнаньні з аналягічным пэрыядам 2013 года.
Chevron - чарговая глябальная кампанія, якая адмовілася ад пошукаў сланцавага газу ў Польшчы. Раней гэта зрабілі Exxon Mobil, Total i Marathon Oil.

вс