Завяршаецца старшынства Італіі ў ЭЗ

Сёньня заканчваецца паўгадовае старшынства Італіі ў Эўрапейскім Зьвязе. З заўтрашняга дня працай супольнасьці будзе кіраваць Латвія.

Хоць італьянцы задаволеныя тым, чаго дамагліся за гэты час, то ацэнкі іх працы ў Брусэлі ня вельмі станоўчыя. У кулюарах можна пачуць, што гэта было малаамбіцыйнае, хаатычнае й дрэнна падрыхтаванае старшынства.

Італьянцы давялі да заключэньня пагадненьня па справе правілаў аб забароне вырошчваньня генэтычна мадыфікаваных культур, а таксама да заканчэньня працы па абмежаваньні выкарыстаньня плястыкавых пакетаў.

Тым ня менш, зларадныя камэнтатары пераконваюць, што прэм’ер Італіі Матэа Рэнцы засяроджваўся толькі на адной справе – каб Фэдэрыка Магерыні была абраная на пасаду кіраўніка дыпляматыі ЭЗ.

Гэта, на думку экспэртаў, быў адзіны посьпех Рыма за апошнія месяцы.

аз