ЭЗ рыхтуецца да кансультацыйнай місіі ва Ўкраіне

Такое рашэньня сёньня прынялі міністры замежных спраў ЭЗ.

Дакумэнты, якія вызначаюць статус і абавязкі місіі, падпісалі сёньня міністарка замежных спраў ЭЗ Федэрыка Магерыні ды міністар замежных спраў Украіны Павел Клімкін.

Рашэньне аб адпраўцы місіі было прынятае яшчэ ў ліпені бягучага году. З таго часу ідуць падрыхтоўчыя працы пад кіраўніцтвам вугорца Кальмана Міжэй.

Пакуль Брусэль плянуе місію на два гады. Ейнай мэтай стане аказаньне дапамогі ўладам у Кіеве ў рэформах сэктара грамадзкай бясьпекі, у тым ліку паліцыі, пракурораў і судовых органаў. Экспэрты ЭЗ будуць дапамагаць украінцаў заплянаваць рэформы ды належна іх рэалізаваць. Іншай важнай задачай місіі будзе маніторынг выкананьня правоў чалавека і барацьбы з карупцыяй ва Ўкраіне.

Місія разьмесьціцца ў Кіеве. На першыя 12 месяцаў працы Эўракамісія вызначыла бюджэт місіі на ўзроўні 13 мільёнаў эўра.

ПР/юл