Джон Кэры прыгразіў Расеі новымі санкцыямі

Кіраўнік Дзяржаўнага дэпартамэнту ЗША заявіў, што на працягу тыдня з дня заключэньня жэнэўскіх пагадненьняў Расея не прыняла ніводнага правільнага рашэньня. Кэры паабяцаў, што ЗША і Эўропа прымуць адпаведныя меры, калі Расея працягне рухацца ў тым жа накірунку.

На думку дзяржсакратара ЗША, Крэмль імкнецца дэстабілізаваць сытуацыю перад выбарамі прэзыдэнта Ўкраіны. Кэры заявіў, што калі Расея дорага заплаціць за сваю памылку. «Мы гатовыя дзейнічаць», - падкрэсьліў ён.

Таксама ў чацьвер з падобнай заявай выступіў прэзыдэнт ЗША Барак Абама. На прэс-канфэрэнцыі ў Японіі ён заявіў, што паводзіны расейскага ўраду «не адпавядаюць духу і літары прынятага ў Жэнэве пагадненьня». Амерыканскі лідэр не удакладніў, пра якія дзеяньні Расеі ідзе гаворка, але паабяцаў, што з боку ЗША будуць уведзеныя новыя санкцыі, калі сытуацыя застанеца бязь зьменаў.

У адпаведнасьці з дамоўленасьцамі, заключанымі на мінулым тыдні ў Жэнэве паміж Расеяй, Украінай, ЗША і ЭЗ, усе незаконныя ўзброеныя падразьдзяленьні павінны быць раззброеныя і распушчаныя. Гэта датычыцца, у прыватнасьці, прарасейскіх актывістаў, якія захапілі некалькі адміністрацыйных будынкаў у гарадах Усходняй Украіны.

эб